Kryeministri i Republikës së Maqedonisë së Veriut, Hristijan Mickoski, ka folur sot për tragjedinë në Koçan, në të cilën 51 persona humbën jetën dhe rreth 100 u lënduan nga zjarri në një diskotekë herët në mëngjes, dhe tha se kjo është një ditë e vështirë dhe shumë e trishtueshme për Maqedoninë.
“Humbja e kaq shumë jetëve të të rinjve është e pariparueshme. Me pikëllim të thellë mora lajmin për tragjedinë e tmerrshme në Koçan. Kjo është një ditë e rëndë dhe shumë e trishtueshme për Maqedoninë! Dhimbja e familjeve, të dashurve dhe miqve është e pamatshme”, ka shkruar kryeministri Mickoski në profilin e tij në Facebook, transmeton portali Kurir.mk.
Ai u uroi shërim të shpejtë të lënduarve, ndërsa familjeve të të ndjerit forcë për të përballuar humbjen e paimagjinueshme, duke premtuar se populli dhe qeveria maqedonase do të bëjnë gjithçka që është e mundur që së paku të zbusin dhimbjen dhe t’u ndihmojnë familjeve të viktimave në këto momente më të vështira.
