Pasi Shtetet e Bashkuara të vendosin tarifa ndaj partnerëve të saj kryesorë tregtarë, mund të angazhohen në negociata dypalëshe me vendet për marrëveshjet e reja tregtare, tha sot Sekretari i Shtetit Marco Rubio.
Presidenti amerikan Donald Trump kërcënoi të enjten se do të vendosë tarifa 200 për qind për importet e verës, konjakut dhe alkoolit të tjerë nga Evropa, duke hapur një front të ri në një luftë tregtare globale që ka tronditur tregjet financiare dhe ka ngritur frikën për një recesion.
Rubio tha se Shtetet e Bashkuara do të hakmerren kundër kombeve që vendosën tarifa ndaj saj.
“Kjo është globale”
“Kjo është globale. Nuk është e drejtuar kundër Kanadasë, Meksikës apo BE-së, është e drejtuar kundër të gjithëve,” tha ai në “Face the Nation” të CBS.
“Dhe më pas, duke u ndërtuar mbi atë themel të ri të drejtësisë dhe reciprocitetit, ne potencialisht do të angazhohemi në negociata dypalëshe me vendet në mbarë botën për marrëveshje të reja tregtare që kanë kuptim për të dyja palët,” vazhdoi ai.
Rubio, i cili nuk dha detaje se si mund të duken marrëveshjet e reja, tha se SHBA do të “rivendoste bazën” për të siguruar që ato të trajtoheshin në mënyrë të drejtë. “Ne nuk na pëlqen status quo-ja. Ne do të vendosim një status quo të re dhe më pas mund të negociojmë diçka, nëse ata (vendet e tjera, red.) e duan atë. Ajo që kemi tani nuk mund të vazhdojë,” tha ai.
