Ka nisur renovimi i tërësishëm kompleksit të banesave sociale në Gjilan. Aty po bëhet izolimi i plotë i kulmit, fasada e jashtme e gjithë objektit, ku dhe janë ndërruar edhe dritaret.
Sipas njoftimit, kryetari i Komunës së Gjilanit, Alaban Hyseni, ka parë nga afër punimet të cilat po zhvillohen aty.
Ai tha se me përkrahjen e Fondit Kosovar të Eficiencës së Energjisë, ka filluar renovimi i plotë i kompleksit të banesave sociale në qytet.
“Ky investim do të ndikojë drejtpërdrejt në cilësinë e jetës dhe do të ndihmojë në kursimin e energjisë për çdo familje”, tha Hyseni.
