Një varkë me emigrantë u mbyt dje në afërsi të bregdetit jugor të Qipros. Autoritetet thanë se shtatë trupa ishin gjetur dhe dy persona ishin shpëtuar rreth 45 kilometra në jug të Qipros. Operacioni masiv i shpëtimit vazhdoi sot, por nuk u gjetën të mbijetuar apo trupa të rinj, raporton Associated Press. Zyrtarët thanë se anija besohej se mbante të paktën 20 sirianë.
Qendra e Përbashkët e Koordinimit të Shpëtimit të Republikës së Qipros konfirmoi se shpëtimi është duke u zhvilluar, duke përfshirë helikopterë ushtarakë, varka shpëtimi dhe drone, me ndihmën e helikopterëve nga një bazë britanike në Qipro.
“Me kalimin e kohës dhe nuk gjenden njerëz të rinj, shpresa po pakësohet,” tha Ministri i Mbrojtjes Vasilis Palmas në një konferencë për shtyp. Zyrtarët qipriotë kanë thënë se paqëndrueshmëria në rajon po çon në një fluks në rritje të emigrantëve nga deti nga Libani dhe Siria. Ministri i Drejtësisë Marios Hartsiotis tha se i mbijetuari i parë u vu re gjatë një patrullimi rutinë, pas së cilës një person i dytë u shpëtua shumë shpejt.
