Mijëra njerëz protestuan në Stamboll mbrëmë për arrestimin e kryetarit të qytetit, Ekrem Imamoglu, pavarësisht ndalimit katër-ditor të demonstratave në qytet, raportoi AP.
Protestat u mbajtën për natën e dytë radhazi dhe mbrëmë mori pjesë edhe kryetari i kryeqytetit turk, Ankara, Mansur Yavas, i cili u bëri thirrje forcave opozitare të bashkohen “kundër padrejtësisë”.
Policia ndaloi një grup protestuesish që u përpoqën të bënin rrugën për në sheshin qendror Taksim të qytetit.
