Pas vizitës te varri i babait, ish-presidenti Hashim Thaçi po qëndron në shtëpinë e tij të lindjes në Fshatin Burojë, për të ndarë ngushëllimet me familjarët e tij.
Vizita për ngushëllime e Thaçit po realizohet me masa të rrepta mbrojtëse nga EULEX-i.
Ish-presidenti i Kosovës, Hashim Thaçi, tek varri i babait të tij la këtë mesazh .“Te varri yt erdha i fundit, babë. Para meje erdhën mijëra qytetarë. Së shpejti, dorë më dorë, do t’i falënderoj të gjithë! Të qoftë i lehtë dheu i Kosovës!”.
Ish-presidenti i Kosovës, Hashim Thaçi, ka mbërritur në Kosovë dhe është te varri i babait të ndjerë, Haxhi Thaçit.
Lajmin e ka bërë të ditur Nasim Haradinaj, ish-nënkryetari i OVL të UÇK-së.
“E sollën sot në kohë të pa kohë, sa për sy e faqe e që nuk e kanë asnjë pikë në vetëvetën e tyre e le më ajo njerëzorja që ju mungonë në total”, ka shkruar ai në facebook.
Pavarësisht se Gjykata Speciale nuk i kishte dhënë leje për të marrë pjesë në ceremoninë e varrimit të babait të tij, Haxhi Thaçit, ai ka marrë leje për të vizituar varrin pas tre ditësh.
