Ish kryeprokurori ushtarak i Rumanise: “Teknologji e ngjashme e përdorur në Serbi si kur Çaushesku humbi pushtetin”

“Gjatë atij mitingu, ushtarë rumunë nga një njësi e specializuar e luftës psikologjike ndërhynë në sistemin e zërit me një magnetofon që lëshonte frekuenca të ulëta dhe kjo bëri që tubimi të çorganizohej.”

Ish-kryeprokurori ushtarak rumun Catalin Ranko Pitu vlerëson se e njëjta teknologji e zërit u përdor gjatë protestave të 15 marsit në Beograd si në Revolucionin Rumun të 1989-ës.

Ai punoi për gjashtë vjet në një hetim mbi Revolucionin Rumun të Dhjetorit 1989, i cili çoi në rënien e diktatorit Nicolae Çaushesku.

Pitu  pohon për DW se e njëjta teknologji u përdor në mitingun e madh të Nicolae Çausheskut më 21 dhjetor në Bukuresht, ku diktatori rumun donte të bindte qytetarët për “korrekticitetin e politikave të tij” dhe se demonstruesit që protestuan në Timisoara “nuk i urojnë mirë Rumanisë”.

“Gjatë atij mitingu, ushtarë rumunë nga një njësi e specializuar e luftës psikologjike ndërhynë në sistemin e zërit me një magnetofon që lëshonte frekuenca të ulëta dhe kjo bëri që tubimi të çorganizohej,” thotë Pitu për DW.

Ai moment shënoi fillimin e Revolucionit Rumun edhe në Bukuresht. Vetëm një ditë më vonë, Çaushesku humbi pushtetin dhe më 25 dhjetor u ekzekutua në Trgovishte. Gjatë revolucionit, 1200 njerëz u vranë dhe rreth 4000 u plagosën rëndë.