Ministri i FSK Ejup Maqedonci tha se 4 Marsi është data që rikthen në memorien tonë Epopenë e Dukagjinit, qëndresën e lavdishme përballë pushtuesit serb, nismën e kushtrimit për liri, e luftës çlirimtare të Dukagjinit.Ai ne profilin e tij ne facebook shkruan se guximi dhe sakrifica e familjes Haradinaj dhe luftëtarëve të kësaj ane, ishin mesazh i qartë që Kosova nuk do të gjunëzohej përballë askujt dhe në asnjë rrethanë.
“Sakrifica e dëshmorëve Gazmend Mehmetaj, Himë Haradinaj e Agron Mehmetaj, nuk do të harrohet kurrë. Do t’i nderojmë çdo ditë me punë e përkushtim duke ngritur në vazhdimësi kapacitetet e ushtrisë sonë, Forcës së Sigurisë së Kosovës, që sot është më e fuqishme, më e pajisur e më e përgatitur se asnjëherë më parë, me sisteme të armatimit e me të rinj e të reja në rradhët e saj që me vullnet e guxim të hekurt i shërbejnë shtetit të Republikës së Kosovës.
Me një buxhet prej 208 milionë euro këtë vit të ndarë për Forcën e Sigurisë së Kosovës, gjersa së shpejti presim që të betohen dhe 344 rekrut të rinj, po punojmë për ëndrrën e dëshmorëve të rënë për lirinë e vendit.
I përjetshëm qoftë kujtimi për të gjithë dëshmorët!
Rroftë kombi ynë e Republika e Kosovës për jetë të jetëve!”, Maqedonci.
