Policia e Kosovës ka bërë të ditur se e ka arrestuar një person në Ferizaj pasi dyshohet se ka dhunuar një grua. Sipas njoftimit, vepra penale është kryer gjatë janarit, e i dyshuari pas intervistimit është dërguar në mbajtje.
Në njoftim, thuhet se rastin e ka raportuar në Polici viktima, derisa s’janë dhënë më tepër detaje.
“Është raportuar se viktima femër kosovare është dhunuar nga i dyshuari mashkull kosovar. Lidhur me rastin i dyshuari është arrestuar dhe pas intervistimit, me vendim të prokurorit është dërguar në mbajtje”, theksohet në njoftimin e policisë.
