KATËR ushtarë amerikanë kanë vdekur gjatë stërvitjeve në Lituani, tha të mërkurën Sekretari i Përgjithshëm i NATO-s Mark Rutte gjatë një vizite në Varshavë.
“Ndërsa po mbaja fjalimin tim, erdhi lajmi për vdekjen e katër ushtarëve amerikanë në një incident në Lituani”, u tha Rutte gazetarëve, duke shtuar se ai nuk dinte ende detaje.
Ambasada amerikane në Vilnius raportoi më herët sot se katër ushtarë amerikanë u zhdukën pasditen e së martës dhe se ushtria dhe policia e vendit baltik, së bashku me ushtrinë amerikane, janë në kërkim të tyre.
Ambasada shkroi në rrjetin social X se ushtarët ishin zhdukur në një terren stërvitor pranë Pabrade në Lituaninë lindore, afër kufirit me Bjellorusinë.
Është raportuar se “ushtarët e Brigadës së I-rë, Divizioni i III-të i Këmbësorisë po kryenin stërvitje të planifikuar taktike në momentin e incidentit”.
