Përfaqësuesja e Lartë për Politikë të Jashtme dhe Siguri e Bashkimit Evropian, Kaja Kallas, sot nis turneun e vizitave në disa prej shteteve të Ballkanit Perëndimor. Kosova kësaj radhe nuk është në agjendën e shefes së re të politikës së jashtme të BE-së
Kallas do ta nisë vizitën e saj të parë në rajon në Mal të Zi, e më pas do të qëndrojë edhe në Shqipëri dhe Bosnje e Hercegovinë.
Sipas njoftimit nga BE-ja, gjatë qëndrimit në Mal të Zi, Kallas do të takohet me presidentin Jakov Millatoviq dhe kryeministrin Millojko Spajiq, si dhe me përfaqësues të shoqërisë civile. E të martën ajo do të qëndrojë në Shqipëri, ku do të ketë takime me presidentin Bajram Begaj, kryeministrin, Edi Rama, me ministrin për Evropë dhe Çështje Evropiane, Igli Hasani, dhe me atë të Mbrojtjes, Pirro Vengu.
Ndërkaq, në Sarajevë, Kallas do të qëndrojë të mërkurën, ku do të zhvillojë takime me krerët e Presidencës trepalëshe, me kryetaren e Këshillit të Ministrave dhe me ministrin e Jashtëm të Bosnjës si dhe me përfaqësuesit e forcës evropiane në Bosnje, EUFOR.
