Ministrja në detyrë e Ekonomisë, Artane Rizvanolli, ka thënë se kanë bërë një propozim rreth ngritjes së çmimit të energjisë elektrike nga Zyra e Rregullatorit të Energjisë Elektrike.
“Ne i kemi propozuar ZRrE-së që të mos ketë fare rritje për konsumatorët të cilët konsumojnë deri në 800 kWh në muaj, ndërsa për të tjerët rritja të jetë sa më e ulët dhe ata konsumatorë të ndahen në sa më shumë kategori ose blloqe”, ka thënë ajo, teksa ka postuar një video në facebook.
“Në këtë mënyrë ne mbrojmë familjet sa më shumë që të jetë e mundur pa e cënuar sigurinë e furnizimit dhe veçanërisht mbrojmë ata të cilët kanë nevojë më së shumti”, vazhdon ministrja Rizvanolli.
