Shkruan: Florim ZEQA
Regjistrimet e deputetëve në Kuvend po e dëshmojnë kapjen e partive tona politike nga grupet e interesit! Po të mos ishte kështu nuk do të ndodhte që dikush për të shtatën apo të tetën herë, sa të tjerë për të pestën apo të gjashtën herë deputet, e shumë më pak deputet u regjistruan për herë te parë në Kuvend!
Veteranomania në Kuvend, pasqyrë e shëmtuar e parlamentarizmit në Kosovë
Si pasojë e kapjes së partive politike nga grupet e interesit, po ndodhë edhe degradimi i Kuvendit nga njëra legjislaturë në tjetrën.
Mungesa e rifreskimit të Kuvendit, po i bën ‘veteranët’ që ta ndjejnë vetën superior ndaj gjeneratave të reja në Kuvend!
Madje, deputetët veteranë të subjekteve shqiptare shtyhen më bërryla në Kuvend për ta dëshmuar se sa të ‘zotët’ janë ndaj njëri-tjetrit, por të njëjtën gjë nuk e kanë guximin ta bëjnë edhe ndaj deputetëve serbë në Kuvendin e Kosovës!
Ky është tregues i mjaftueshëm, se veteranët e Kuvendit bëhen skifterë kundër njëri-tjetrit, kurse pula të nuk ta ndaj deputetëve serbë.
Paradoksalisht, deputetët veteranë me jetëgjatësi mbi 20 vjeçare në Kuvendin e Kosovës, në vend që të turpërohen për uzurpimin e Parlamentit, mburren për vazhdimësinë e tyre në të gjitha legjislaturat, duke e kthyer Kuvendin në shtëpi të dytë të tyre, duke bërë jetë luksi me paratë e taksapaguesve të varfër të Kosovës dhe mërgimtarëve, të cilët i kalojnë pushimet si qeragjinj duke paguar tatim për shtëpitë e pabanuara!
Për habi asnjë deputeti veteran të Kuvendit të Kosovës, për dy dekada e gjysmë rresht pas çlirimit të vendit nuk i ra ndërmend që ta inicioj një projekt-ligj që i liron mërgimtarët nga tatimi për shtëpitë e pabanuara!
Për habi, të gjitha subjektet politike pa dallim dhe të gjithë deputetët e të gjitha legjislaturave të deritanishme e harruan kontributin e mërgimtarëve të viteve të ’90-ta, të cilët me djersën e ballit e mbajtën shtetin paralel (arsimin shqip) në rrethanat e okupimit klasik dhe e financuan luftën çlirimtare në Kosovë!
Kurse, sot për habi dhe për ironi të faktit të njëjtët që dhanë më së shumti për lirinë e këtij vendi nuk e gëzojnë asnjë benificion nga shteti, kurse po përfitojnë zuzarët dhe uzurpatorët, mercenarët dhe tradhtarët!
Ku mbeti huaja e mërgimtarëve për shtetin e Kosovës?!
Ku janë sot kusarët politikë që u pasuruan me djersën e mërgimtarëve, duke ju premtuar se kur të bëhet shteti, ‘Bonat Fiskal’ do të ju kthehen në kundërvlerë?!
Mërgimtarët nuk duan të marrin asgjë nga shteti!
Por, të paktën ju deputet të legjislaturës së re mos i gjobitni mërgimtarët me tatim për shtëpitë që i shfrytëzojnë vetëm një muaj apo më pak gjatë një viti kalendarik!
Pa çkapjen e partive politike nga klanet dhe grupet e interesit, nga kontrabanduesit dhe mercenarët nuk do të çkapet Kuvendi nga veteranët dhe as shteti nga uzurpatorët!
