Polica e Kosovës ka njoftuar se dy persona janë arrestuar në Prishtinë, nën dyshime për posedim të substancave narkotike.
Në raportin 24 orësh bëhet e ditur se pas kontrollit nga ana e njësive policore, dy të dyshuarave u janë gjetur substanca narkotike të llojit marihuanë, një peshore dhe disa qese që shërbejnë për paketimin e substancave narkotike.
“Janë arrestuar dy të dyshuar meshkuj kosovarë, për shkak se gjatë kontrollit te të njëjtit janë gjetur dhe sekuestruar 428.5 gramë substancë e dyshuar narkotike e llojit marihuanë, një peshore për matjen e substancave narkotike dhe disa qese të zbrazëta që shërbejnë për paketimin e substancave narkotike”, njoftoi Policia.
Me vendim të Prokurorit, pas intervistimit njëri nga ta është liruar me procedurë të rregullt, kurse personi tjetër është dërguar në mbajtje.
