Komuna e Prishtinës njofton se nga 19 deri 21 prill do të mbyllin njërin krah të rrugës “Agim Ramadani”, me qëllim të punimeve.
Sipas njoftimit të komunës, punimet janë të domosdoshme “pas dëmtimeve të shkaktuara nga automjetet me peshë të rëndë”.
Nga e shtuna deri të hënën punimet do të bëhen gjatë ditës, e në ditët e javës do të bëhen gjatë natës nga ora 19:00 deri në 07:00.
“Gjatë kohës së punimeve priten vështirësi në qarkullim në këtë segment rrugor, andaj rekomandojmë përdorimin e rrugëve alternative. Punimet janë planifikuar në mënyrë që të minimizohet ndikimi në trafik, duke u zhvilluar kryesisht gjatë orëve të natës dhe ditëve të vikendit. Faleminderit për mirëkuptimin!”, thuhet në njoftim.
