Kryetari i Aleancës për Ardhmërinë e Kosovës, Ramush Haradinaj, ka përkujtuar vëllanë, Luanin, i cili ka rënë dëshmor para 28 vjetësh.
Në “Facebook”, kreu i AAK-së ka shkruar se 6 maji i vitit 1405 është ditëlindja e kryeheroit tonë kombëtar, Gjergj Kastrioti – Skënderbeu. “Pikërisht më 6 muaj u lind Nana Rukë, e në ditëlindjen e saj, para 28 vjetësh, Luani fitoi përjetësinë”.
Me këtë rast në Deçan dhe në Kompleksin Memorial të Dëshmorëve të ZO të Dukagjinit në Gllogjan, ai nderoi të gjithë të rënët për liri, kujtoi gjenerata të tëra patriotësh e luftëtarësh, mes të cilëve veprimtarin e atdhetarin e madh Smajl Haradinaj.
“Dhembja dhe malli për të dashurit që humbëm assesi të shuhet. Ky ishte çmimi i lirisë që ata e paguan për ne, e për shumë breza që do të jetojnë të lirë, me dinjitet e krenari, duke kujtuar dhe nderuar heroizmin e tyre”, ka shkruar ai.