Fatmir Limaj nga NISMA ka thënë se konstituimi i Kuvendit të Kosovës është çështje e marrëveshjeve politike dhe nuk nevojitet përfshirja e institucioneve të drejtësisë.
Limaj ka thënë se nuk duhet përfshirë më interpretimet e Gjykatës Kushtetuese për situatën e krijuar politike sepse tashmë ekziston një vendim.
“Zgjedhja dhe procedimi i Kuvendit e Qeverisë është çështje e pastër politike. Partitë politike duhet të jenë të përgjegjshme në vendimmarrjen e tyre politike, mos ta kërkojnë atë nga institucionet e drejtësisë”, ka thënë ai pas dështimit të 15-të të përpjekjes për konstituim të Kuvendit të Kosovës.
Sipas tij, në Kosovë ka nevojë për guxim politik.
“Duhet të ulemi që të krijohet një shumicë parlamentare që të ketë institucione”, ka thënë ai. Limaj ka theksuar se Nisma është e interesuar që të bisedojë për shumicë parlamentare, “por partitë e mëdha e kanë përgjegjësinë”.
