Policia e Kosovës ka bërë të ditur se qytetari, Imer Krasniqi më 08.05.2025 në Junik kishte gjetur një kuletë, në të cilën kanë qenë 1 mijë e 300 euro dhe dokumente të tjera personale.
Policia ka njoftuar se sot është identifikuar dhe kontaktuar personi të cilit i kishte humbur kuleta, e që më pas i janë kthyer kuleta së bashku me paratë dhe dokumentet që i kishin humbur.
“Policia e Kosovës, e falënderon qytetarin Imer Krasniqi për veprimin dhe nivelin e lartë të përgjegjësisë qytetare”, ka njoftuar Policia e Kosovës.
