Shkruan: Fadil MALOKU
Nga perspektiva sociologjike, gjendja aktuale në Kuvendin e Kosovës nuk është vetëm krizë politike, por edhe pasqyrë e një bllokade strukturale dhe shumë më të thellë në raportet që po i ndërton shoqëria kosovare me sistemin politik.
Subjektet politike duke u mbështetur në besueshmërinë e aktorëve institucionalë, do duhej të veprojnë në përputhje me pritjet e qytetarëve. Ngase, Dështimi i stërpërsëritur për të konstituar organet e KUVENDIT, jo vetëm që po e gërryen legjitimitetin e fituar në zgjedhje, por, është edhe kah e “normalizon” këtë hendek midis institucioneve dhe qytetarëve.
Kjo bllokadë e stërzgjatur, po ashtu rrezikon ta përforcojë e instaloj kulturën politike të mosbesimit, si një sjellje normale, ngase, partitë shihen si klane që ndjekin vetëm interesa klanore në vend të atyre shtetërore. Klimë kjo që një shtresë të gjerë qytetarësh i futë në projeksionet e apatizmit politik dhe të radikalizimit të pakënaqësisë, si forma joracionale të reagimit.
