Shërbimi Meteorologjik Ushtarak njoftoi se sot vendi vendi ynë do të ndikohet nga kushte atmosferike relativisht të paqëndrueshme.
Moti parashikohet me vranësira mesatare deri të dendura si dhe alternime të herëpashershme kthjellimesh. Vranësirat do të pasohen me reshje shiu të herëpashershme me intensitet të ulët në një pjesë të madhe të territorit, prej orëve të mesditës e pasdites në zonën e qendrës dhe jug reshje shiu të herëpashershme me intensitet të ulët deri mesatar në formën e shtrëngatave afatshkurtra, të shoqëruara me shkarkesa elektrike.
Ndërsa në zonën e veriperëndimit reshje shiu të herëpashershme me intensitet mesatar dhe hera-herës dhe në periudha afatshkurtra deri të lartë në formën e shtrëngatave, shoqëruar me shkarkesa elektrike. Në periudha afatshkurtra reshjet në veriperëndim parashikohen të jenë të rrëmbyeshme dhe problematike.
Era me drejtim jugperëndim – juglindje shpejtësi mesatare 10 m/s ndërsa përgjatë vijës bregdetare dhe zonat luginore era fiton shpejtësi 12-18 m/s, shoqëruar me valëzimin në detet Adriatik e Jon të forcës 2-3 ballë./ATA
Temperaturat parashikohen:
| QYTETET | Temperaturat në °C | Sigla |
| Shkodër | 16/22 | Re shi diell |
| Kukës | 12/21 | Re shi diell |
| Lezhë | 16/21 | Re shi diell |
| Dibër | 10/20 | Re shi diell |
| Durrës | 15/23 | Re shi diell |
| Tiranë | 17/26 | Re shi diell |
| Elbasan | 15/23 | Re shi diell |
| Berat | 15/23 | Re shi diell |
| Vlorë | 16/23 | Re shi diell |
| Korçë | 9/19 | Re shi diell |
| Gjirokastër | 11/23 | Re shi diell |
| Sarandë | 15/24 | Re shi diell |
