Kryeprokurori i Barit, Roberto Rossi vlerësoi sot se bashkëpunimin me autoritetet hetimore shqiptare për të luftuar krimin në Shqipëri dhe Itali.
Në konferencën e përbashkët për shtyp, me Kreun e SPAK-ut, Altin Dumani si dhe prokurorin e SPAK-ut, Vladimir Mara, pas një operacioni të madh kundër trafikut ndërkombëtar të drogës që çoi në arrestimin e 42 personave dhe shpalljen në kërkim të 10 të tjerëve, midis Italisë dhe Shqipërisë, Rossi tha se po punohet për arritjen e rezultate të përbashkëta dhe për të luftuar krimin në Itali dhe Shqipëri.
“Kemi punuar dhe vazhdojmë të punojmë prej 10 vjetësh për arritjen e objektivave të përbashkëta për të luftuar krimin në Shqipëri apo Itali. Jemi të ndërgjegjshëm që autoritetet e hetimit shqiptar e në veçanti SPAK janë shumë të afta për kapjen e veprave, bashkë me ne. Kjo forcë e përbashkët është shumë e rëndësishme”, deklaroi kryeprokurori Rossi.
Ai shtoi se “për fat të keq, mafia shqiptare është forcë ndërkombëtare shumë e madhe, por jemi të sigurt që populli shqiptar me anë të Prokurorisë e Gjykatave shqiptare do jetë në gjendje ta luftojë këtë “kancer””.
“Pikërisht përmes bashkëpunimit, jemi të sinkronizuar bashkë të arrijmë këtë objektivë. Ka gjithashtu një prezencë të jashtëzakonshme të Policisë Gjyqësore italiane e shqiptare që bashkë me ne arrijnë objektiva të përbashkëta”, deklaroi ai.
