Sot mbushen 26 vjet nga rënia e 10 dëshmorëve e 11 martirëve të rënë më 25 maj më 1999 në Komunën e Kaçanikut.
Me rastin e 26 vjetorit të rënies së dëshmorëve Shaqir Kuka, Sakip Hysa, Avdulla Baftiu, Nazmi Osmani, Kemal Kolshi, Qemal Guri, Sadik Guri, Habit Dullovi, Fadil Bunjaku e Fatmir Horuni si dhe rënies së 11 martirëve në Kaçanik, Këshilli Organizues në bashkëpunim me Organizatën e Veteranëve të Luftës së UÇK- së dega në Kaçanik dhe me përkrahjen e Komunës së Kaçanikut, organizon manifestim përkujtimor.
Nga ora 16:00, në shkollën Fillore “ Jusuf Gërvalla” Biqec, mbahet manifestim qendror përkujtimor.
Po ashtu në shënim të kësaj dite mbahen manifestime, homazhe dhe vendosja e luleve.
Në ora 11:00 tek Lagjja Kuka, Pllaka përkujtimore e dëshmorëve Shaqir Kuka e Sakip Hysa, nga 12:30- Biqec Arat e Stanit” (Pllaka përkujtimore e dëshmorëve Qemal e Sadik Guri), nga ora 14:00- Lagjja Zharku (Pllaka përkujtimore e dëshmorit Avdulla Baftiu, Nazmi Osmani dhe Kemal Kolshi.
Homazhe do të bëhen po ashtu edhe nga ora 15:30, në Nikaj, Monumenti përkujtimor i dëshmorëve të fshatit Nikaj Feriz, Xhevdet, Qemajl e Sadik Guri, nga ora 15:45- Biçec (Bustet e dëshmorëve Habit Dullovi, Fadil Bunjaku e Fatmir Horuni dhe pllakat përkujtimore të martirëve)
Pas manifestimeve do të bëhen homazhe pranë varrezave të dëshmorëve.
Në këtë ditë të rënies së 10 dëshmorëve e 11 martirëve në Kaçanik, po ashtu mbahet “Turneu memorial në futboll të vogël”,Turneu i futbollit “Avdulla Baftiu dhe Bashkim Vishi” Shkolla Fillore “ Kadri Zeka” – Dubravë dhe Turneu i futbollit “DIKI”në Nikaj.
