Nënshkrimi i vënë në nëntorin e vitit 2024 në marrëveshjen për pika të kalimit të përbashkët kufitar kur Kosova e Maqedonia e Veriut mbajtën mbledhjen e përbashkët të dy qeverive, nesër nis së implementuari.
Ministria e Punëve të Brendshme ka bërë të ditur së të mërkurën nga ora 14:00 do të fillojë implementimi i parimit të kontrollit “Hyrje – Hyrje” në pikë-kalimin e përbashkët kufitar mes Kosovës e Maqedonisë së Veriut, Glloboçicë – Jazhincë.
Në këtë inaugurim do të marrin pjesë ministri në detyrë i Punëve të Brendshme, Xhelal Sveçla, zëvendëskryeministri i parë i Maqedonisë së Veriut, Izet Mexhiti dhe ministri i Brendshëm i këtij shteti, Pançe Toshkovski.
“Ky pikë kalim i përbashkët është njëri nga dy pikat e kalimit të përbashkët kufitarë të paraparë sipas Protokollit të Implementimit të Marrëveshjes ndërmjet Qeverisë së Republikës së Kosovës dhe Qeverisë së Republikës së Maqedonisë së Veriut për Pikat e Përbashkëta të Kalimit Kufitar Hani i Elezit – Bllacë dhe Glloboqicë – Jazhincë, nënshkruar në nëntor 2024 në mbledhjen e përbashkët të dy qeverive”, thotë MPB-ja.
RTK raportoi të shtunën se më 28 maj do të lëshohet në përdorim vendkalimi i përbashkët kufitar në Glloboçicë.
