Deputetja e Lidhjes Demokratike të Kosovës, Hykmete Bajrami, ka kritikuar ministren në detyrë të Ekonomisë, Artane Rizvanolli, lidhur me furnizimet me energji për të gjitha ndërmarrjet që kanë dalë në tregun e lirë nga KEK.
“Po Rizvanolli duhet me u përgjigjë: Pse KEK-u po blen sot energji në ALPEX me çmim 64.55 euro kur çmimi në HUPX qenka 53.69 euro edhe pse s’po ju tregon ndërmarrjeve a ka KEK-u kontratë afatgjatë për blerje të energjisë apo gjysma e ekonomisë së Kosovës është në mëshirën e tregtarëve e kumbarëve të energjisë. Psh. nesër çmimi mesatar në ALPEX do të jetë 99.87Euro MWh. Sa do të jetë pasnesër?”, ka shkruar ajo në facebook.
Rizvanolli, ka bërë të ditur se nga data 1 qershor 2025, Korporata Energjetike e Kosovës (KEK), në cilësinë e Furnizuesit të Mundësisë së Fundit (FMF), ka filluar furnizimin me energji për të gjitha ndërmarrjet që kanë dalë në tregun e lirë, por nuk kanë arritur të nënshkruajnë kontrata furnizimi.
