Këngëtarja shqiptare me famë botërore, Dua Lipa, ka konfirmuar fejesën e saj me aktorin britanik Callum Turner. Në një intervistë për revistën britanike Vogue, 29-vjeçarja tha se kjo është një “ndjenjë shumë e veçantë”.
“Po, jemi të fejuar,” i tha ajo revistës britanike Vogue. “Është shumë emocionuese. Ky vendim për të plakur bashkë, për të parë një jetë dhe thjesht, nuk e di, për të qenë shokë të ngushtë përgjithmonë – është një ndjenjë shumë e veçantë.”
Dua Lipa dhe Callum Turner, 35 vjeç, janë në lidhje prej rreth një viti e gjysmë. Turner është i njohur për rolet në filmat “Fantastic Beasts” dhe serialin “Masters of the Air”, si dhe për nominimin për çmimin BAFTA në vitin 2020 për serialin “The Capture”.
Çifti ngjalli dyshime për fejesë gjatë Krishtlindjeve të kaluar, kur Dua postoi një foto me unazën e fejesës. Këngëtarja tregoi se unaza është projektuar posaçërisht për të nga Turner, pas konsultimit me shoqet dhe motrën e saj.
“Është shumë unike për mua. Është bukur të dish që personi me të cilin do kalosh pjesën tjetër të jetës tënde të njeh shumë mirë.”
Ata ende nuk kanë vendosur datën e dasmës, pasi Dua duhet të përfundojë turneun botëror që përfundon në dhjetor në Meksikë, ndërsa Turner është i zënë me xhirimet e serialit të ri shkencë-fantastik “Neuromancer”, shkruan BBC.
“Thjesht po shijojmë këtë periudhë,” tha Dua Lipa, duke shtuar se nuk ka qenë kurrë ndonjëherë shumë e fokusuar te dasma, por tani po nis të mendojë edhe për detajet e saj.
