Tre persona, përfshirë një foshnjë tetëmuajshe, u qëlluan për vdekje dhe dy adoleshentë u plagosën pasi dy grupe u përleshën në karnavalin vjetor në periferi të Salt Lake City të dielën në mbrëmje, tha policia.
Një kalimtar 41-vjeçar ishte midis të vrarëve, ndërsa një 18-vjeçar nga një prej grupeve të përfshira në përleshje u vra gjithashtu në një të shtënë që ndodhi gjatë “Westfest” në Centennial Park në West Valley City, sipas departamentit të policisë së qytetit, raporton Reuters .
Departamenti i Policisë së West Valley tha se, ndërsa policia po afrohej për të shpërndarë grindjen midis dy grupeve, një djalë 16-vjeçar nxori një armë dhe hapi zjarr ndaj grupit tjetër.
Policia iu përgjigj zjarrit, por nuk e qëlloi të dyshuarin, thanë ata, duke shtuar se i dyshuari u mor në paraburgim.
Adoleshentët e plagosur u qëlluan në duar, por nuk është e qartë nëse ata janë të lidhur me grupet e përfshira, shtoi policia.
Sipas Arkivit të Dhunës me Armë, deri më tani këtë vit ka pasur 156 të shtëna masive në Shtetet e Bashkuara, të përcaktuara si një incident në të cilin katër ose më shumë persona plagosen ose vriten, pa përfshirë autorin e vrasjes.
