Me rastin e Ditës së Çlirimit të qytetit të Drenasit, kryetari i kësaj komune, Ramiz Lladrovci, ka njoftuar se ka përgatitur mirënjohje për secilën familje të dëshmorëve të kësaj komune.
Ai bëri me dije se mirënjohjet do të shpërndahen nga 18 qershori.
“Të nderuara familje të dëshmorëve të Komunës së Drenasit, në shenjë nderimi për çdo familje të dëshmorit, me rastin e Ditës së Çlirimit, kam përgatitur mirënjohje për secilën familje në pajtim me Regjistrin zyrtar për dëshmorët.
Për shkak të racionalizimit të kohës dhe rrethanave, mirënjohjet mund t’i merrni te drejtorët e shkollave, sipas lokalitetit ku gjendet shkolla juaj. Mirënjohjet mund t’i merrni nga 18 qershori 2025”, ka shkruar Lladrovci në Facebook.
