Deputetja e LDK-së, Hykmete Bajrami, ka reaguar ndaj situatës aktuale në sektorin e energjisë, duke deklaruar se “sot, në KEK funksionon vetëm blloku A3, me kapacitet 110 MW”.
Ajo ka shprehur shqetësim për mungesën e transparencës nga institucionet përgjegjëse, duke theksuar se “KOSTT nuk ka publikuar fare ngarkesën ditore, me gjasë dje kanë marrë vërejtje nga ‘lart’”.
“Sot, në KEK funksionon vetëm blloku A3, me kapacitet 110 MW. KOSTT nuk ka publikuar fare ngarkesën ditore, me gjasë dje kanë marrë vërejtje nga “lart”. Asnjëri prej atyre që e quajnë veten ministra nuk thanë asnjë fjalë sot për energjinë: Sa po na kushton importi sot? Nga po vjen energjia? Kujt po ia paguajmë transportin?”.
“Po ua them unë: energjia po vjen kryesisht përmes Serbisë, në emër të “sovranitetit”, fqinjësisë së mirë ose falë kumbarëve të tregtisë me energji. LVV po e pamundëson konstituimin e Kuvendit dhe njëherësh deputetëve që të diskutojnë aty për këtë çështje me rëndësi jetike dhe jo vetëm”, ka shkruar Bajrami.
Deputetja Bajrami ka kërkuar hetim për të gjitha institucionet që janë pjesë e sektorit të energjisë.
“Mos harroni: jemi duke importuar mbi 1 milion euro energji në ditë, këto janë para të qytetarëve që do t’i paguajnë përmes faturave të rrituara edhe më shumë të energjisë elektrike dhe përmes inflaciont për produktet tjera. Qytetarëve me pak mirëqenie për fitimet të majme, për EFT-në e Vuki-it, NOA-n e për ata që e kanë bë të mundshme krejt këtë situatë”, ka shkruar në Facebook, Hykmete Bajrami.
