Më saktësisht, Trump u shqetësua nga deklarata e Medvedevit se disa vende mund t’ia dorëzonin arsenalin e tyre bërthamor Iranit.
“A e dëgjova ish-Presidentin Medvedev të përdorte fjalën me N (bërthamor), duke thënë se vendet mund t’ia jepnin Iranit kokat e tyre bërthamore? Fjala me N nuk duhet të përdoret kaq lehtë. Mendoj se kjo është arsyeja pse (Vladimir) Putin është i vetmi shef në Rusi”, shkroi Trump.
Në përgjigje të postimit të tij, Medvedev shkroi se “dënon sulmet e SHBA-së ndaj Iranit sepse ato nuk e arritën qëllimin e tyre”.
“Megjithatë, Rusia nuk ka ndërmend të dërgojë bombat e saj bërthamore në Iran sepse ne jemi nënshkrues të marrëveshjes për kufizimin e armëve bërthamore, ndryshe nga Izraeli”, tha ish-presidenti rus.
Ai shtoi se “ata janë të vetëdijshëm për atë që do të çonte kjo”, sepse ai kishte njohuri për arsenalin bërthamor të Rusisë gjatë mandatit të tij si president, por se “vende të tjera mund ta bënin këtë”.
“Absolutisht nuk kemi nevojë të debatojmë se kush ka më shumë bomba bërthamore, veçanërisht pasi traktati i Ri START, të cilin e nënshkrova, është ende në fuqi. Pyetja e vetme është: çfarë tani?” shkroi Medvedev.
