Një person ka vdekur si pasojë e një aksidenti mes automjetit dhe motoçikletës.
Ngjarja ka ndodhur në fshatin Sllovi të Lipjanit, ka konfirmuar Flora Ahmeti, zëdhënëse e policisë për rajonin e Prishtinës.
“Sot rreth orës 18:00 në fshatin Sllovi të Lipjanit, ka ndodhur një aksident trafiku ku janë përfshirë një automjet dhe një motoçikletë. Si pasojë e aksidentit në vendin e ngjarjes ka humbur jetën ngasësi i motoçikletës”, ka theksuar ajo.
Ajo tutje ka bërë të ditur se vdekjen e viktimës mashkull, e ka konstatuar ekipi mjekësor në vendngjarje, derisa me rastin po merret njësiti i trafikut rajonal.
