Dy zjarrfikës kanë vdekur pasi u zunë në pritë nga zjarri i snajperëve, ndërsa po përgjigjeshin për shuarjen e një zjarri në një komunitet malor në Idahon veriore në Shtetet e Bashkuara të Amerikës (SHBA).
Zyra e Sherifit të Qarkut Kootenai tha se ekipet e zjarrfikësve iu përgjigjën vendit të ngjarjes për të shuar flakët në Malin Canfield dhe u raportuan të shtëna rreth gjysmë ore më vonë.
Gjithashtu u njoftua se një zjarrfikës është plagosur rëndë dhe po i nënshtrohet një ndërhyrjeje kirurgjikale.
Sulmuesi, për të cilin BBC raporton se besohet se është ende duke qëlluar në mënyrë aktive, është fshehur në shkurre të dendura dhe pemë të dendura.
Ende nuk dihet nëse ka pasur disa persona të armatosur të përfshirë.
Guvernatori i shtetit, Brad Little, tha se “zjarrfikës të shumtë heroikë” u sulmuan ndërsa po i përgjigjeshin flakëve.
“Ky është një sulm i tmerrshëm i drejtpërdrejtë ndaj zjarrfikësve tanë të guximshëm. Po u kërkoj të gjithë banorëve të Idaho-s të luten për ta dhe familjet e tyre ndërsa presim të mësojmë më shumë”, tha guvernatori.
