Gjykata Speciale ka njoftuar se në rastin `Thaçi dhe të tjerët”, ka publikuar kalendarin e gjykatës për periudhën korrik-shtator 2025 .
Pas vendimit më të fundit mbi caktimin e orarit, të lëshuar sot nga Trupi Gjykues, orari i gjykatës në gjykimin Thaçi dhe të tjerët, që mbulon periudhën nga korriku deri në shtator 2025, është i disponueshëm në kalendar.
“Përveç konferencës për ecurinë e çështjes, e cila është planifikuar për 22 korrik, të gjitha seancat tjera duhet të konsiderohen si paraprake, në pritje të vendimit të Trupit Gjykues mbi mocionin në bazë të rregullës 130 dhe njoftimeve nga ekipet e Mbrojtjes se a synojnë të dorëzojnë provat e tyre”, thuhet në njoftim.
