Dy persona janë lënduar si pasojë e një aksidenti në rrugën Prishtinë – Fushë Kosovë.
Lajmin e ka konfirmuar Policia e Kosovës. “Sot rreth orës 09:40 kemi pranuar informatën se në rrugën Prishtinë -Fushë Kosovë, ka ndodhur një aksident trafiku me lëndime. Në këtë aksident kanë qenë të përfshira dy automjete”, ka thënë zëdhënësja e policisë për rajonin e Prishtinës, Flora Ahmeti.
Ajo ka bërë të ditur se të lënduarit janë dërguar për tretman mjekësor, derisa me rastin po merret njësiti i trafikut rajonal.
