Tarifat prej 30 përqind për të gjitha mallrat e importuara nga Meksika ose vendet e Bashkimit Evropian në Shtetet e Bashkuara të Amerikës do të hyjnë në fuqi më 1 gusht, njoftoi sot Presidenti i SHBA-së Donald Trump.
Në llogarinë e tij online Truth Social, ai postoi kopje të letrave që i dërgoi Presidentes së Komisionit Evropian Ursula von der Leyen dhe Presidentes meksikane Claudia Scheinbaum.
Më parë, një diplomat evropian i paidentifikuar konfirmoi se Bashkimi Evropian po përgatitet për pranimin e mundshëm të letrës së Trump në të cilën ai do të njoftojë tarifat.
