Të paktën 34 persona kanë vdekur në Vietnam, pasi një varkë që transportonte turistë u përmbys për shkak të motit të stuhishëm në Gjirin Halong, pranë brigjeve të veriut të vendit.
Njëmbëdhjetë persona thuhet se u shpëtuan, ndërsa tetë mbeten të zhdukur. Të paktën tetë fëmijë ishin midis të vdekurve. Në bord kishte 48 pasagjerë dhe pesë anëtarë të ekuipazhit.
Anija thuhet se u përmbys për shkak të erërave të forta të shoqëruara nga shiu i rrëmbyeshëm. Përpjekjet e kërkim-shpëtimit janë duke vazhduar.
Sipas raportimeve të medias, në bord kishte turistë nga kryeqyteti i vendit, Hanoi, përfshirë rreth 20 fëmijë.
Gjiri Halong është një nga atraksionet natyrore më të vizituara të Vietnamit, me miliona njerëz që e vizitojnë çdo vit.
