“Do të na duhet çdo pajisje, armë dhe municion i mundshëm për ta mposhtur këtë”, tha Grynkewich.
Ky qëndrim i komandantit të forcave amerikane në Evropë vjen në një kohë kur të gjithë anëtarët e NATO-s po rrisin ndjeshëm burimet e tyre mbrojtëse.
“Nëse Xi Jinping bën një lëvizje ndaj Tajvanit, ai ndoshta do ta koordinonte një sulm të tillë me Vladimir Putinin. Kjo, për mua, do të thotë se të dyja këto gjëra mund të ndodhin së bashku”, shtoi Gjenerali Grynkewich.
Nga ana tjetër, këto deklarata duhen interpretuar si një kuadër i ri strategjik për NATO-n që do të përqendrohet në përgatitjen logjistike për luftë në dy pika të nxehta globale.
Gjenerali konfirmoi se janë duke u zhvilluar përgatitjet për të dërguar sisteme shtesë raketash Patriot te forcat ukrainase, megjithëse nuk pranoi të zbulonte numra ose afate kohore specifike.
“Nuk do t’ua zbuloj rusëve ose askujt tjetër numrin e saktë të armëve që po transferojmë ose kur do të ndodhë kjo, por ajo që do të them është se përgatitjet janë duke u zhvilluar”, tha Grynkewich.
Ai shtoi se bisedime të mëtejshme me udhëheqësit ushtarakë të NATO-s do të zhvillohen në ditët në vijim për të përcaktuar mënyra shtesë për të forcuar aftësitë e mbrojtjes ajrore të Ukrainës.
“Koha është thelbësore dhe kam ndërmend të vazhdoj ta theksoj këtë dhe t’ua bëj të ditur të gjithëve se duhet të veprojmë dhe duhet të veprojmë shpejt”, tha Grynkewich
