Memli Krasniqi, kryetari i PDK-së, ka folur rreth mundësisë që punonjësit e RTK-së që mund të mbesin pa paga. Ai tha se ka respekt për ta, se janë profesionalë dhe kanë kontribuar për shumë vite, mirëpo tha se adresa e tyre është qeveria në detyrë.
Krasniqi adresoi edhe kritika ndaj RTK-së. “Fatkeqësisht, nuk është duke e kryer detyrën dhe rolin të cilin e ka me të vërtetë, nuk i qet deputetët e Kosovës kur mbajnë fjalime këtu, e në momentin kur Albin Kurti del prej sallës, televizioni publik e ndërpret transmetimin”, tha ai.
