Policia e Kosovës ka gjobitur dy shoferë për tejkalim të shpejtësisë në rrugët e qytetit të Ferizajt, në dy raste të ndara më 24 dhe 25 korrik.
Policia ka njoftuar se më 24 korrik, rreth orës 01:57, në rrugën “Rexhep Bislimi”, është ndaluar një veturë Mercedes me targa të huaja. Shoferi A.I. (34 vjeç) po drejtonte mjetin me 83 km/h, në një zonë me kufi të lejuar prej 40 km/h. Ai u gjobit me 200 euro, iu shqiptua ndalim i drejtimit të mjetit për 3 muaj dhe u përjashtua nga trafiku.
“Ndërsa më 25 korrik, rreth orës 00:25, në rrugën “Brahim Ademi”, një shofer tjetër, E.R. (23 vjeç), u kap duke drejtuar një BMW me 100 km/h, në një zonë me kufi të lejuar 50 km/h. Ai u gjobit me 300 euro, mori 3 pikë negative dhe ndalim të patentës për 6 muaj”, thuhet në njoftim.
Policia Rajonale e Ferizajt apelon te qytetarët që të respektojnë kufizimet e shpejtësisë dhe të bashkëpunojnë për rritjen e sigurisë në rrugë, duke raportuar çdo shkelje të mundshme. /Kosovatimes/
