Kompania OneHost LLC ka bërë një hap të madh në rrugëtimin e saj ndërkombëtar duke hapur zyrën e re në Shtetet e Bashkuara të Amerikës. Lajmi është bërë i ditur me krenari nga përfaqësuesit e kompanisë duke e konsideruar këtë si një moment historik dhe të merituar pas viteve të përkushtimit dhe zhvillimit të vazhdueshëm.
E themeluar në Kosovë, OneHost është tashmë një emër i njohur në fushën e shërbimeve digjitale, me qindra klientë nga vende të ndryshme si Gjermania, Zvicra, Austria, Anglia dhe SHBA. Zgjerimi në tregun amerikan përbën jo vetëm një sukses të ri, por edhe një hap strategjik për të qenë më afër klientëve ekzistues dhe atyre potencialë në një nga tregjet më konkurruese në botë.
“OneHost USA është më shumë se një kompani – është një vazhdimësi e vizionit tonë për të ofruar zgjidhje kreative dhe efikase për bizneset që synojnë rritjen globale,” thuhet në njoftimin zyrtar.
OneHost ofron shërbime të zhvillimit të webfaqeve profesionale, aplikacioneve mobile, dizajnit kreativ, softuerëve të personalizuar dhe zgjidhjeve të plota digjitale për biznese të çdo madhësie.
“Na gjeni tashmë edhe në SHBA – dhe jemi gati për sfida të reja, bashkëpunime të reja dhe suksese të përbashkëta,” thekson kompania në mesazhin e saj duke ftuar partnerë dhe klientë të rinj për të ndërtuar së bashku të ardhmen digjitale. /Kosovatimes/
