Në Kosovë janë raportuar katër raste të dhunës në familje, të ndodhura në Prishtinë, Novobërdë dhe Pejë. Sipas raportit 24 orësh të Policisë së Kosovës, dy persona janë dërguar në mbajtje, ndërsa tre të tjerë janë liruar në procedurë të rregullt, pas intervistimit nga organet e rendit.
Në Kosovë janë raportuar katër raste të dhunës në familje, të ndodhura në Prishtinë, Novobërdë dhe Pejë. Sipas raportit 24 orësh të Policisë së Kosovës, dy persona janë dërguar në mbajtje, ndërsa tre të tjerë janë liruar në procedurë të rregullt, pas intervistimit nga organet e rendit.
Në Prishtinë, janë arrestuar dy persona të dyshuar pas një përleshjeje fizike që ka pasuar një mosmarrëveshje verbale. Me vendim të prokurorit, ata janë liruar në procedurë të rregullt, njofton policia.
Në Novobërdë, një person është arrestuar pasi dyshohet se ka sulmuar fizikisht babanë e tij. Viktima ka pranuar trajtim mjekësor, ndërsa i dyshuari është dërguar në mbajtje me urdhër të prokurorit.
Edhe në Pejë janë regjistruar dy raste të dhunës në familje. Rasti i parë ndodhi më 26 korrik në orën 19:30, ku një person është arrestuar pasi dyshohet se ka sulmuar anëtarët e familjes së tij. Edhe ai është dërguar në mbajtje.
Në rastin tjetër, që ndodhi më herët po atë ditë, në orën 12:20, një tjetër i dyshuar është arrestuar nën dyshimin se ka sulmuar fizikisht djalin e tij. Sipas policisë, viktima ka pranuar ndihmë mjekësore, ndërsa i dyshuari është liruar në procedurë të rregullt.
Policia e Kosovës thekson se të gjithë personat e përfshirë në këto raste janë të pafajshëm deri në një vendim të formës së prerë nga gjykata.
