Pasagjerët e një aeroplani të Turkish Airlines u evakuuan nëpërmjet një rrëshqitëseje menjëherë pas uljes në një vendpushim bregdetar në Turqinë jugore dje. Evakuimi u krye për shkak të tymit në marshin e uljes, pjesën e poshtme të aeroplanit që përdoret për ngritje, ulje dhe lëvizje të qëndrueshme në tokë.
Tymi u shfaq ndërsa Boeing 777, i cili ishte ngritur nga Stambolli, po lëvizte në pistën e aeroportit të Antalyas. Ekipet e reagimit ndaj emergjencave rekomanduan evakuimin si një masë paraprake për të garantuar sigurinë e pasagjerëve, konfirmoi zëdhënësi i linjës ajrore Yahya Ustun.
Ai shtoi se të gjithë pasagjerët u evakuuan menjëherë. Ai nuk specifikoi se sa pasagjerë dhe anëtarë të ekuipazhit ishin në aeroplan. Askush nuk u lëndua.
“Inspektimi fillestar i avionit tregoi se tymi vinte nga një defekt i tubit hidraulik”, theksoi Ustun. Inspektimet teknike të avionit janë duke u zhvilluar.
