Të enjten në Mitrovicën e Jugut është raportuar për një rast dhunimi, ku dy persona të panjohur dyshohet se kanë marrë me forcë një vajzë dhe e kanë dërguar në një lokacion tjetër, ku më pas kanë ushtruar dhunë seksuale ndaj saj.
Sipas raportit të Policisë së Kosovës, viktima është futur në një veturë nga dy persona dhe është dërguar në një vend të panjohur, ku është kryer vepra penale.
Viktima është dërguar për ekzaminim mjekësor, ndërsa për rastin është njoftuar prokurori i shtetit. Në raport thuhet se viktima gjithashtu do t’i nënshtrohet ekzaminimit mjeko-ligjor.
