Ndërsa Kroacia debaton për çmimet krahasuar me vendet e tjera mesdhetare, një sondazh i ri nga SHBA-ja tregon se Evropa është ende e shtrenjtë në sytë e amerikanëve – dhe Islanda kryeson.
Sipas një raporti nga revista The Forex Complex, ky ishull i Evropës Veriore u emërua destinacioni turistik më i shtrenjtë për udhëtarët amerikanë, raportoi N1 Croatia .
Mesatarisht, një ditë qëndrimi në ishullin verior të Evropës kushton më shumë se 400 dollarë (344.82 euro). Merren në konsideratë kostot e akomodimit, ushqimit, transportit, inflacionit dhe lëvizja e monedhës vendase kundrejt dollarit.
Australia, me kosto mesatare ditore prej rreth 280 dollarësh (241.38 euro) dhe inflacion prej 2.4 përqind, dhe Meksika, reputacioni i mëparshëm i së cilës si një destinacion i lirë është nën kërcënim nga forcimi i shpejtë i peso-s, janë të radhës në listën e më të shtrenjtave.
“Luhatjet e valutave mund të ndryshojnë ndjeshëm koston e udhëtimit, madje edhe në vendet me çmime lokale të qëndrueshme. (…) Udhëtarët që i injorojnë trendet e valutave mund të kenë një verë më të shtrenjtë se sa pritej”, tha një zëdhënës i The Forex Complex për Travel and Leisure.
Azia është më e përballueshme
Ndër destinacionet më të shtrenjta evropiane janë Mbretëria e Bashkuar, Gjermania dhe Italia, ku kostot ditore mbeten të larta, pavarësisht kursit relativisht të favorshëm të këmbimit të euros kundrejt dollarit.
