Një burrë ka vdekur pasi është rrëzuar në stadiumin Wembley gjatë një koncerti të Oasis të shtunën në mbrëmje, sipas një deklarate nga Policia Metropolitane e Londrës .
Policia tha se personeli i sigurisë në stadium iu përgjigj menjëherë, së bashku me mjekët në vendngjarje, raportimeve për një person të plagosur rreth orës 22:20.
Në deklaratë thuhet: “Një burrë, afërsisht 40 vjeç, u gjet i plagosur pas një rrëzimi. Fatkeqësisht, ai u shpall i vdekur në vendngjarje.”
Një zëdhënës i stadiumit Wembley tha: “Mendimet tona janë me familjen e tij, të cilët janë informuar dhe po mbështeten nga oficerë policie të trajnuar posaçërisht për situata të tilla.”
Sipas raportimeve, burri ka rënë nga kati i sipërm i stadiumit.
Policia, nga ana e saj, thotë: “Stadiumi ishte plot dhe ne besojmë se është e mundur që një numër njerëzish të kenë qenë dëshmitarë të incidentit ose ta kenë regjistruar atë në video me telefonat e tyre celularë, qoftë me vetëdije ose pa vetëdije. Nëse keni ndonjë informacion që mund të na ndihmojë në hetimin tonë, ju lutemi na telefononi.”
