Vendimi i Izraelit për të marrë kontrollin ushtarak të Gazës është “absolutisht i papranueshëm”, i tha presidenti turk, Recep Tayyip Erdogan, presidentit palestinez Mahmoud Abbas në një bisedë telefonike, raporton Anadolu.
Sipas Drejtorisë së Komunikimit Turk, ata diskutuan sulmet izraelite në Gaza dhe zhvillimet e fundit në rajon.
Gjatë bisedës, Erdogan përsëriti se Turqia do të vazhdojë të qëndrojë në krah të Palestinës.
Duke i quajtur të rëndësishme deklaratat e Francës, Britanisë së Madhe dhe Kanadasë në lidhje me njohjen e mundshme të një shteti palestinez, Erdogan theksoi valën në rritje të kritikave ndaj Izraelit në Perëndim dhe shtoi se Turqia do të vazhdojë përpjekjet e saj për paqe në rajon.
