Njësitet Antikontrabandë të Doganës së Kosovës, në bashkëpunim me Policinë e Kosovës, kanë sekuestruar 80,000 copë cigare pa banderola, gjatë një operacioni të zhvilluar në qytetin e Mitrovicës.
Dogana përmes një njoftimi ka bërë të ditur se cigaret u gjetën në dy autobusë që operonin në linjën Serbi–Kosovë, të cilët u ndaluan për kontroll në orët e vona të mbrëmjes.
Fillimisht, për shkak të kushteve të kufizuara për inspektim të detajuar, zyrtarët doganorë hasën në një sasi cigaresh të fshehura në sistemet e ajrosjes së njërit prej autobusëve.
“Kontrolli i thelluar zbuloi hapësira të improvizuara për fshehjen e mallrave (“bunkerë”), si dhe cigare të kontrabanduara në tualetin e autobusit. Sasia totale e cigareve të konfiskuara arrin në 80,000 copë, të gjitha pa banderola dhe të dyshuara se ishin destinuar për shitje në tregun e brendshëm të Kosovës, në kundërshtim me legjislacionin në fuqi”, thuhet në njoftim.
Autoritetet kanë konfirmuar se rasti është proceduar për hetime të mëtutjeshme në koordinim me Prokurorinë Themelore.
&n
