Agjencia e Menaxhimit Emergjent (AME) ka bërë me dije se aktualisht janë 24 vatra aktive zjarri në Kosovë.
Sipas të dhënave nga ora 8:00 deri në orën 14:00 sot (e hënë) janë raportuar gjithsej 38 vatra zjarri, ndërsa prej tyre 14 janë lokalizuar.
AME thotë se menaxhimi i situatës po zhvillohet në koordinim të plotë me Njësitë Profesionale të Zjarrfikjes dhe Shpëtimit.
Agjencia shpreh mirënjohje për përkushtimin e palodhshëm të zjarrfikësve dhe angazhimin e tyre në terren në përballje me zjarret.
