Një ngjarje e rëndë ka ndodhur mbrëmjen e sotme në Hajvali, ku një person ka humbur jetën si pasojë e plagëve të marra nga të shtënat me armë zjarri.
Rastin për RTKlive e ka konfirmuar Flora Ahmeti, sipas të cilës vdekjen e viktimës mashkull e ka konstatuar ekipi mjekësor në QKUK.
“Sot rreth orës 22:00, është raportuar për gjuajtje me armë zjarri, në Hajvali, ku është vrarë një person. Vdekja e viktimës mashkull është konstatuar nga ekipi mjekësor në QKUK. Policia ka nisë një hetim për zbardhjen e rastit, ndërkohë që është në kërkim të personit të dyshuar i cili tashmë është identifikuar”, ka thënë Ahmeti.
Që nga fillimi i këtij muaji në vendin tonë kanë ndodhur gjashtë vrasje, përfshirë vrasjen e trefishtë të ndodhur dje në Gjilan.
