Një aksident trafiku me fatalitet ka ndodhur dje në mesditë në fshatin Nekoc të komunës së Gllogocit.
Sipas raportit 24 -orësh nga Policia, një shtetas kosovar, drejtues i një veture, është vetëaksidentuar si pasojë e pakujdesisë gjatë vozitjes.
“Përkundër intervenimit të shpejtë, ai ka ndërruar jetë në vendin e ngjarjes”, ka njoftuar Policia.
Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion.
