Zyra për Mbrojtje dhe Ndihmë të Viktimave (ZMDNV), që funksionon në kuadër të Zyrës së Kryeprokurorit të Shtetit, ka trajtuar gjithsej 67 raste të reja gjatë periudhës 8 deri më 15 gusht 2025.
Sipas kësaj zyreje, prej rasteve të trajtuara 60 raste janë të dhunë në familje, 2 raste dhunimi, 1 rast i tentativës për dhunim, 1 rast i sulmit seksual si dhe 3 raste lëndim i lehtë trupor.
Përveç rasteve të reja, Zyra ka ndërmarrë edhe veprime të tjera ligjore dhe përfaqësuese si 12 kërkesa për Urdhër Mbrojtje (KUM) të parashtruara në gjykatë, 11 kërkesa për Urdhër Mbrojtje Emergjente (KUME ), 2 kërkesa për ndryshim të urdhrit të mbrojtjes nga pala, 3 kërkesa për ndërprerje të urdhrit të mbrojtjes nga pala, 14 aktvendime të aprovuara, 27 seanca gjyqësore, 19 seanca në prokurori, 74 këshilla juridike, 1 aktgjykim dënues, 3 përfaqësime të rastit në QPS (Qendra për Punë Sociale)si dhe 4 përfaqësime të rastit në strehimore.
